MSEMAJI WA UKOO WA CHIFU WA KARAGWE OMUKAMA RUMANYIKA KAPATIKANA

Ukoo  wa   Abahinda  ambao  ndio  unatokana  na   Omukama  Rumanyika  aliyeitawala  Karagwe wamefanikiwa  kumpata  msemaji  wao  mkuu  wa  Ukoo  baada  ya  mchakato  wa  muda  mrefu  wa  kupata  atakayeongoza   vikundi  vya  ukoo  huo  ambao  umesambaa  maeneo  ya  wilaya  ya  Karagwe  na  Kyerwa  na  kwingineko.

Mkutano  wa  uchaguzi  wa  kumpata  kiongozi  huyo  ambaye  ni  mwenyekiti  wa  ukoo  ulifanyika  jana  Februari  27  mwaka  huu  katika  makao  makuu  ya  Omukama  Rumanyika  maarufu  kama  Omuchikari  kilichopo  Bweranyange  wilayani  Karagwe na  aliyechaguliwa   kuwa  msemaji  wa  ukoo  ni  GODSONI  Gipsoni  William Rumanyika.

Katika uchaguzi  huo  Godsoni  Gipsoni  Rumanyika  alishindana  na  wagombea  wengine    nne  na  yeye  kuibuka mshindi  huku  mwalimu  Samueli  Rwehindi  Rwabujeje  akichaguliwa  kuwa  katibu  wa  kamati  ya  ukoo  huo  baada  ya  kushika  nafasi  ya  pili  kwa  kupata  kura 18  za  wanaukoo  huo.

Mbali  na  uchaguzi  wa  mwenyekiti  wa  ukoo  pia  ilichaguliwa  kamati  tendaji  ya  ABAHINDA  yenye  jumla  ya  watu  tisa   lengo  ni  kuhakiksha  historia  iliyoachwa  na  Omukama  Rumanyika  inalindwa  ikiwa  ni  pamoja  na  kutunza  makumbusho  yake  na  eneo  zima  la  utamaduni.

Kwa  upande  wa  viongozi  wa  serikali  waliohudhuria mkutano  huo  wakatoa  wito  kwa  ukoo  huo  kwa  ajili  ya  kulinda,kuendeleza  na  kuhakikisha  historia  ya  watu  wa  Karagwe  ambao  ni  wanyambo  inasimama  na  isipotee  kwenye  vitabu  vya  kumbukumbu.

Afisa  Utamaduni  wilaya  ya  Karagwe Aloyce  Mjungu  ambaye  pia  alimwakilisha   mkurugenzi  mtendaji  wa  wilaya  ya  Karagwe  akatoa  maelekezo  na  ushauri  wa  nini  kifanyike  kuhakikisha  maeneo  ya  kihistoria  karagwe  yanalindwa  na  kuhifadhiwa  vizuri.

Viongozi  waliochaguliwa  mwenyekiti  na  Katibu  wa  Abahinda  wametoa  neno  lao  la  shukrani   huku  mwenyekiti  aliyechaguliwa  akitoa  ahadi ya  kusafisha  makao  makuu  ya  Omukama  Rumanyika na  kuhakikisha  historia  inalindwa  kikubwa  akaomba  ushirikiano.